കീഴ്മാട് ഗ്രാമത്തിൽ നൂറ്റാണ്ട് പിന്നിട്ട കുട്ടമശ്ശേരിയിലെ സർക്കാർ സ്കൂളിന്റെ ഉന്നമനം ലക്ഷ്യമാക്കിയാണ് ചെന്താര അബൂബക്കറിന്റെ നേതൃത്വത്തിൽ ഒരുകൂട്ടം സഹൃദയർ സന്നദ്ധ സേവന രംഗത്തിറങ്ങിയത്. കീഴ്മാട് പഞ്ചായത്ത് പൗര സംരക്ഷണ സമിതിക്ക് ഇത് നാന്ദി കുറിച്ചു. ജീവകാരുണ്യ പ്രവർത്തനങ്ങൾക്കും ഇതോടൊപ്പം തുടക്കം കുറിച്ചു. 2009ൽ അന്നത്തെ സ്ഥലം പാർലമെൻറ് അംഗം കെ പി ധനപാലനാണ് ഈ പൗരസമിതിയുടെ ഔപചാരിക ഉദ്ഘാടനം നിർവഹിച്ചത്. മുൻ മന്ത്രിമാരായ ടി എച്ച് മുസ്തഫയും വി.ക്കെ ഇബ്രാഹിം കുഞ്ഞും മറ്റും പൂർവവിദ്യാർഥികളായ കുട്ടമശ്ശേരി സർക്കാർ സ്കൂളിൽ ഹയർ സെക്കൻഡറി അനുവദിക്കണമെന്നും പുതിയ കെട്ടിടങ്ങൾ നിർമ്മിക്കണമെന്നും ആവശ്യപ്പെട്ട് പൗരസമിതി സർക്കാരിന് നിവേദനം സമർപ്പിച്ചു. പുതിയ കെട്ടിട നിർമ്മാണത്തിന് പൊതുമരാമത്ത് വകുപ്പ് മന്ത്രിയും പൂർവ്വ വിദ്യാർത്ഥിയുമായ വികെ ഇബ്രാഹിം കുഞ്ഞ് ഫണ്ട് അനുവദിക്കുകയും കെട്ടിട നിർമ്മാണം പൂർത്തിയാക്കുകയും ചെയ്തു. ഹയർസെക്കൻഡറിയുടെ ഉദ്ഘാടനം വിദ്യാഭ്യാസ മന്ത്രി കെ അബ്ദുറബ്ബ് നിർവഹിച്ചു. ആലുവ എംഎൽഎ അൻവർ സാദത്ത് എല്ലാ വികസന പദ്ധതികൾക്കും കൂടാതെ പൗരസമിതിയുടെ നാളിതുവരെയുള്ള എല്ലാ പ്രവർത്തനങ്ങൾക്കും ഒരു സാധാരണ അംഗത്തെ പോലെ നേതൃത്വം നൽകുകയും സഹകരിക്കുകയും ചെയ്യുന്നു. ഇപ്പോഴത്തെ സ്ഥലം എം.പി ബെന്നി ബഹനാനും ജീവകാരുണ്യ പദ്ധതിയിൽ സ്ഥിരം ഡോണറാണ്.

ഈ ഗ്രാമത്തിലെ വ്യത്യസ്ഥ ചിന്താധാരയിൽ പ്രവർത്തിക്കുന്ന
ആളുകളെ ഒരു ചരടിൽ കോർത്തിണക്കി ജനങ്ങളുടെ
സന്തോഷകരമായ ജീവിതം സാധ്യമാക്കുക എന്നതാണ് പൗരസമിതിയുടെ ലക്ഷ്യം.

രോഗികളും അശരണരുമായ ചികിത്സക്കും,മരുന്നിനും ബുദ്ധിമുട്ട് അനുഭവിക്കുന്നവർക്ക് വേണ്ടി ലയൺസ് ക്ലബ്,
അമൃതാ മെഡിക്കൽ കോളേജുമായി സഹകരിച്ചും മറ്റും
മെഗാ മെഡിക്കൽ ക്യാമ്പുകൾ പൊതുവായി സംഘടിപ്പിക്കുന്നു

ജനങ്ങളുടെ ഐക്യവും സൗഹാർദ്ദവും മറ്റെന്നെത്തേക്കാൾ
അനിവാര്യമായ കാലഘട്ടമാണിന്ന്.
മലയാളികളുടെ മഹോത്സവമായ
ഓണം, പുതുവർഷത്തോടനുബന്ധിച്ചുള്ള ക്രിസ്തുമസ്, ന്യൂഇയർ കൂടാതെ റംസാൻ ഇഫ്താർ
സംഗമങ്ങളും എല്ലാ വർഷവും
വിപുലമായി സംഘടിപ്പിക്കുന്നു